SPRON býður lántakendum með erlend lán að greiða fasta upphæð á mánuði þar til álitaefni varðandi erlend lán eru til lykta leidd fyrir dómstólum. Föst greiðsla miðast við kr. 5.000 á mánuði fyrir hverja upphaflegu milljón láns.

Slitastjórn SPRON mun fara vandlega yfir dómsniðurstöðu Hæstaréttar vegna gengistryggðra bílalána og fylgjast með þeim skrefum sem stjórnvöld og Alþingi hyggjast taka í málinu á næstu dögum. SPRON áréttar að hann var ekki aðili málsins og gerði ekki samninga sambærilega við þá sem voru til meðferðar í framangreindum Hæstaréttardómum.

Slitastjórn SPRON telur nauðsynlegt að koma eftirfarandi á framfæri í ljósi umfjöllunar fréttastofu Stöðvar 2 þann 13. og 14. febrúar sl., einkum þar sem fréttastofa RÚV nýtir þær fréttir sem ábyggilega heimild.

Héraðsdómur Reykjavíkur hefur með skömmu millibili kveðið upp tvo dóma sem varða gengistryggingu bílasamninga en niðurstöður þeirra eru ósamrýmanlegar. Báðum dómum hefur verið áfrýjað til Hæstaréttar sem fella mun endanlegan úrskurð og þá kemur í ljós hvor túlkunin verður ofan á. Þangað til eru samningar í fullu gildi.

Vegna úrskurðar Héraðsdóms Reykjavíkur frá 12. febrúar, þess efnis að grundvöllur verðtryggingar í bílasamningi málsaðila (svokölluð gengistrygging) sé í andstöðu við VI. kafla laga 38/2001, um vexti og verðtryggingu, vill slitastjórn SPRON taka fram að þeir sem nýtt hafa sér einhver af greiðsluvandaúrræðum bankans, hafa ekki með því fyrirgert rétti sínum til leiðréttinga á lánum komist Hæstiréttur að sömu niðurstöðu.

Slitastjórn SPRON lýsir því yfir að þeir viðskiptavinir bankans sem undirrita skilmálabreytingar húsnæðislána, t.d. vegna greiðslujöfnunar og frystingar, fyrirgeri ekki réttindum sínum til að óska eftir öðrum úrræðum síðar, þ.e. þeim sem bjóðast í framtíðinni, enda uppfylli þeir skilyrði fyrir nýtingu úrræðanna.  Sama gildir um önnur réttindi sem neytendur kunna að njóta samkvæmt lögum. 

Fjármálaeftirlitið hefur veitt samþykki fyrir því að Byr sparisjóður verði vörsluaðili viðbótarlífeyrissparnaðar fyrrum viðskiptavina SPRON og nb.is. Færist sparnaðurinn sjálfkrafa til Byrs, þeim að kostnaðarlausu, hálfum mánuði eftir að þeim berst kynningarbréf þess efnis. Það verður sent út næstu daga.

Leiðir 2, 3 og 4 voru að hluta til fjárfestir í sjóðum sem nú eru í slitaferli.  Það þýðir að ekki er hægt að selja viðkomandi eignir heldur munu þær innheimtast eftir aðstæðum og greiðslugetu viðkomandi skuldara á hverjum tímapunkti.

Öllum afgreiðslustöðum SPRON hefur verið lokað.

Frá og með 18. maí 2009 mun öll þjónusta og umsýsla vegna lána viðskiptavina hjá SPRON færast til Kaupþings.